Ven con nós inspeccionar o Umia

Este domingo 27 ás 11 de mañá (hora nova!!) iremos facer a inspección de outono do río Umia, dentro do Proxecto Ríos. 

Dende o ano 2007 levamos participando neste proxecto de custodia fluvial.

Mediremos, entre outros aspectos:

-Parámetros físico-químicos: pH, Tª, nitratos, O2 disolvido e saturación, turbidez, caudal do río…

-Calidade hidromorfolóxica: tipos de hábitats e o seu estaco.

-Alteracións: presenza de colectores, vertidos, lixo, escumas, cheiros…

-Estado de saúde do bosque de ribeira.

-Usos da terra nas beiras do río.

-Calidade biolóxica: identificación e interpretación de animais bioindicadores atopados.

-Biodiversidade autóctona de flora e fauna, e presenza de especies invasoras.

Esta é unha actividade aberta á que calquera pode asistir.

Só tes que traer calzado axeitado (botas no caso de querer entrar no río). O resto do material levarémolo nós.

Vémonos no Umia!

 

Advertisement