Publicado por: garza18 | 06/11/2018

A ornitoloxía non consiste en enxaular e coleccionar paxaros

A ornitoloxía pódese definir como unha rama científica que forma parte da zooloxía e se adica ao estudo das aves. Pouco ou nada ten isto que ver co coleccionismo de aves enxauladas. A actividade de ter loros, periquitos, canarios e demáis especies exóticas en xaulas provocou que, ao longo dos anos, moitas destas especies se convertisen en invasoras co conseguinte dano ao ecosistema e desprazamento de poboacións locais. Tamén ocasionou a caza de especies autóctonas como xílgaros, a xeración de híbridos e o tráfico ilegal de aves.

Ornitólogos e ecoloxistas mostramos o noso interese no fomento do turismo ornitolóxico na ZEPA (Zona de Especial Protección para Aves) do Complexo Intermareal Umia – O Grove, A Lanzada, Punta Carreirón e Lagoa Bodeira, como forma de xerar un aliciente máis para a conservación deste espazo. Esta actividade consiste na observación de aves no seu hábitat natural i é contraria á de coleccionar, criar i enxaular paxaros.

Por todo o anterior cremos que o centro de interpretación da telleira de Vilalonga non se debería usar para albegar un concurso de exhibición de aves enxauladas. A razón de ser dun centro de interpretación dentro dunha ZEPA, é a de ofrecer actividades de educación ambiental para divulgar os valores naturais de dito espazo e contribuir á súa conservación.

Que unha das escasas actividades que se organicen neste centro de interpretación actualmente infrautilizado, sexa un concurso destas características (e chamarlle ornitolóxico), co respaldo das administracións públicas é totalmente contraditorio con dita finalidade educativa e de conservación, pois ademáis de crear confusión, estase promovendo unha actividade que a longo prazo xa demostrou ser máis que perxudicial para as aves silvestres e os ecosistemas.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: