PROSPECCIÓN DE OUTONO DO UMIA: PROXECTO RÍOS

No último chequeo do Umia atopamos unha suba preocupante da temperatura da auga. Será unha situación puntual ou unha tendencia?

Queres coñecer de que xeito a seca e impactos como a destrución do bosque de ribeira afectan á calidade deste ecosistema?

O sábado 2 de decembro ás once da mañá quedaremos na Ponte dos Padriños en Pontearnelas – Ribadumia (na estrada  vella de Cambados a Pontevedra) para participar na inspección de outono do río Umia, encadrado no Proxecto Ríos.

Proxecto Ríos é un programa de voluntariado ambiental, no que o CES está colaborando dende fai anos nun tramo do Umia. Consiste na creación de distintos grupos que apadriñan un tramo dun determinado río para levar a cabo o seu estudo e vixilancia ambiental baixo unha metodoloxía común (observación da fauna fluvial e as concentracións de certos contaminantes).

Lembra levar botas de auga; o resto do material preciso será subministrado polo CES.

CONTAMOS CONTIGO!

 

Advertisement