Ao Umia tócalle un chequeo

PROSPECCIÓN DE OUTONO DO UMIA: PROXECTO RÍOS

Ven chequear a saúde do Umia a través do recoñecemento da bichería que o habita e outros parámetros

O próximo domingo 13 de novembro ás once da mañá quedaremos na Ponte dos Padriños en Pontearnelas – Ribadumia (na estrada  vella de Cambados a Pontevedra) para participar na inspección de outono do río Umia, encadrado no Proxecto Ríos.

 

Proxecto Ríos é un programa de voluntariado ambiental, no que o CES está colaborando dende fai anos nun tramo do Umia. Consiste na creación de distintos grupos que apadriñan un tramo dun determinado río para levar a cabo o seu estudo e vixilancia ambiental baixo unha metodoloxía común (observación da fauna fluvial e as concentracións de certos contaminantes).

 

Lembra levar botas de auga; o resto do material preciso será subministrado polo CES.

 

CONTAMOS CONTIGO!

Advertisement