Publicado por: garza18 | 25/07/2015

Nova desfeita no Rego do Souto en Noalla, Sanxenxo

Durante as últimas semanas, as obras dun novo paseo fluvial financiado con fondos europeos e levado a cabo pola comunidade de montes de Noalla, causa importantes impactos no propio regato, así como na súa flora e fauna.

AAB maio15 045rrrrrr_640x480

Nas obras empregáronse escombros e o que parecen restos de cemento moído para facer un camiño enriba mesmo da beira do río, sen cunetas que impidan a caída de dito recheo ao cauce do río, alterando deste xeito a turbidez das augas e con elo as condicións para a vida de numerosos invertebrados e anfibios. Ademáis o lixo dos propios obreiros (guantes, botellas e latas), foi abandonado no propio regato.

AAB maio15 079_640x480
Ademáis se arrincaron e esgazaron coa maquinaria pesada árbores do bosque de ribeira, como salgueiros, ameneiros, sabugueiros e loureiros, deixando as propias ramas como parte do recheo.

AAB maio15 032rrrrrrrrrrrrrr_640x480
Tamén fixeron un muro de contención enriba do río duns 20 m, así como un murete para unha especie de estanque artificial, desfixeron un con no medio do río e alteraron o propio curso do río e doutros afluentes del, alterando o nivel hídrico de prados colindantes con orquídeas e unhas 20 especies de odonatos (libeliñas e cabaliños do demo), así como lugares de posta de larvas de anfibios.

AAB maio15 085343434_640x480

Por se esto fora pouco, o punto máis importante de cría da Chioglossa lusitanica (saramaganta galega), especie endémica de Galicia e catalogada como Vulnerable no Catálogo Galego de especies ameazadas, foi alterado polos movementos de terra e o depósito de tubaxes de plástico.

O C.E.S, enviou a principios de xullo varios escritos ao Concello, Conservación da Natureza e Augas de Galicia, solicitando a paralización de ditas obras mentres non se aclare se a obra conta con tódalas autorizacións das citadas administracións, e se estivo a exposición pública. Ademáis esiximos que se tomen medidas correctoras dos impactos e sancionadoras no máis que probable caso de que se incumprise a legalidade. Polo momento seguimos sen recibir respostas nin da Xunta nin do Concello.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: