Este ano, como nas edicións pasadas, apoiamos a MARCHA CONTRA AS CELULOSAS, organizada pola Asociación pola Defensa da Ría.
Este sábado sairán a partir das 19:30 dende as alamedas de Pontevedra e Marín as marchas para esixir a retirada de ENCE da ría de Pontevedra.
ENCE leva 50 anos coartando o desenvolvemento sostible da ría. Varios son os sectores económicos afectados pola súa presenza (a pesca, o marisqueo, a hostalería…). Varios son tamén os aspectos ambientais afectados (alteración do fondo escénico da ría, modificación brutal dos noso modelo produtivo dos montes e causante da eucaliptización, contaminación das augas das ría, contaminación atmosférica con cheiros pestilentes…).
Por todos estes motivos ENCE debería desaparecer da ría a partir do 2018. No CES apoiamos a longa loita da Asociación pola Defensa da Ría por este obxectivo e comparte con dita asociación a súa desconfianza ante as promesas que ofrece ENCE pola súa permanencia na ría, xa que é medio século de historia da fábrica demostrándonos a súa falta de sensibilidade e respecto ante a lexislación ambiental.
Ver o número da Ría Aberta de Verán 2015: http://www.apdr.info/Principal/RIa.Aberta/Ria%20Aberta_Veran2015.pdf
Ver galeria de fotos das estatuas de Pontevedra protexéndose con mascarillas e apoiando a Marcha:
https://www.facebook.com/media/set/?set=a.910621188999734.1073741841.274485385946654&type=3
Colectivo Ecoloxista do Salnés 
Deixar unha resposta